ابوذيات مختاره للشاعر عادل محسن

تحية طيبة لكل اسرة منتديات كلام عراقي
بعد هاي الغيبة حبيت اقدملكم مجموعة
ابوذيات للشاعر عادل محسن اتمنى
ان تنال رضاكم

أنذرت عمري الاجل عمرك صداقه
ﻷن متواضع وحجيك صداقه
اريد وياك يالغالي صداقه
ونكلب للعلاقة العاطفيه
******

جمالك مالكيته بدول اسيا
وروحي من غرامك دوم اسيا
اذا اتخلص رصيد بكارت اسيا
اتصل من زين لتظمة عليه
******

رسائل للحلو وديت دفتر
دجنص يازماني شبيك دفتر
انا صارف عليه فلوس دفتر
وهو ولا فلس صارف عليه
******

انا من خرز عادي وانت كهرب
وانت الضوه الحينة وانت كهرب
اذا شفناك نخرب ونتكهرب
دخيلك قلل النه الفولتيه
******

كلبي بساط الك يسمر بسطته
وعليك شما صعب ظرفك بسطته
حبيبي البيك يتحارش بسطته
واعارك على مودك خمسميه
******

عشرتي وياك كالمنتصر والفار
ومثل ما بين ماي البرد والفار
عشرتك عشرة البزون والفار
احضن بيك وتخرمش بديه
******

بحبل الشوك والحب لفلفتني
ومثل ورقة جرايد لفلفتني
بظرف ثلاث دقايق لفلفتني
اشتعلو اهلج على هالقابليه
******

وجه محبوبي اشكر برشلونه
غزال ودوم يسكن برشلونه
طحت بين الريال وبرشلونه
والكواله لزك صارت عليه
******

الي لو اشرت بيدك اشاره
يعني تريدني وللحب اشاره
كل ترفك يفتحلك اشاره
والمرور يكوم ياخذلك تحيه
******

الهوى لو جاك من الحلو شمه
وعطر الورد من الورد شمه
خذت من عدها شمه شلون شمه
لحد الان باقي العطر بيه
******

حقي اجادل العالم ولاسن
لان قانون لا شرع ولاسن
انطو جوز للماله ولاسن
وعصيده انطو لبو سنون القويه


اتمنى ان تنال رضاكم

رائعٌ هو عادل محسن..
مُختارات رائعة بالفعل اخي الكريم
شُكراً لك..
عطـــرُ الخُزامــــــــى

ابوذيات بعطر الورد
صح لسان من قيلها
وتسلم يد ناقلهاا
ودي ونتريه الاجمل

كلبي بساط الك يسمر بسطته
وعليك شما صعب ظرفك بسطته
حبيبي البيك يتحارش بسطته
واعارك على مودك خمسميه

هذا كاتبه الشاعر عليه
ههههههههههههههههههههههههههه اموت اخبل امرعط
ميرسي يجنن
ياقمر

رووووووووووووووعه يسلموووووووووووو

انرتم متصفحي بهذا المرور
العطر وزدتم من سعادتي
دمتم بحفض الباري