رجعني فقير

رجعني فقير




ابو الحصّين يستنكر التفجير

والواوي قره السبع المثاني



اذا من ذولة سلمت والله محتار

معقوله وره التفجير آني



تسع اسنين شفنه ابعينّه الموت

ومصدكين عود احنه ونتاني




المباني البيهه تكعد هاي الاحزاب

لازم تنـ .... صبغ هاي المباني




المواطن لكمة صار لكل الحلوك

وبحر الموت روجه اتجيب روجه



كبل بس عوجه وحده وضايجه الناس

هسه ابيت كل مسؤول عوجه



عله اقسه احتلال تكول تحرير

ومكيف لأن خلوك مدزاز



وتهددني تردني لذيج الايام

حته يضل ضميري وياك منحاز




رجع راتبي عالعشر تالاف

رجعني فقير وحيل معتاز



لكن بالمقابل تحسب حساب

ترجعلي بربع قنينة الغاز



رد زحمة شوارع ليل بغداد

ردلي الوطن يمشي بغير عكاز




واخذه الراتبي ماريد مليون

ألف مليون مترجعلي العزاز



كلي شلون يعني اتريدني ارتاح

تريد اضحك ونه بنص المذابح



شكد ما استلم من هاي الفلوس

تره نصهن فضل لهل الفواتح



لاهذه الوكت يراد لاذاك

كلهه تكول انه محمد الفاتح



ذاك الوكت جان ايدينه تنباس

علمود احنه بالتعيين نبقه



بوكتك هسه احنه انبوس الايدين

وندفع لازم تلاثين ورقه



بكل جقه شبر من كاعي دتروح

واحسب انته كلي شراح يبقه



كلي شراح يبقه وهيته الحدود

اذا ياهو اليجي ياخذله جقه






يا صاح ليش الوضع متقوم اله قايمه
وليش السياسه عله دم الشعب قايمه
مو بس قيامة بنه قامت الف قايمه


ناس اعله ناس الجثث اكوام صارت كتل
وما ندرى ياهو الذي مكتول ياهو كتل
تسقط احزاب الظلم تسقط جميع الكتل

استثني منهم فقط ....لا لا ولا قايمة

رد زحمة شوارع ليل بغداد

ردلي الوطن يمشي بغير عكاز


كلماآت راآئعه
اهنئك على روعة نثرك لناآ
سلمت اناآملك
تحيتي+تقييم

اسعدني مرورك اختي الغاليه

انرتي القصيده

الله ع الكلام الراقي

روعة ماحاكت به قصيدتك من موضوع صيغ باروع الكلمات

هلا والله نورتي خيتو